RAQAMLI SIGNALLARNI QAYTA ISHLASH VA MULTIMEDIA TEXNOLOGIYALARI YORDAMIDA TA’LIMIY O‘YINLARDA AUDIO-VIZUAL EFFEKTLARNI YAXSHILASH

Abstract

Mazkur maqolada bolalar uchun informatika fanini o‘qitishda interaktiv o‘yinli yondashuvning afzalliklari hamda uni amalga oshirishda raqamli signallarni qayta ishlash texnologiyalaridan foydalanish imkoniyatlari tahlil qilingan. Ta’lim jarayonida o‘yin elementlari bolalarning fanga qiziqishini oshirishi, mustaqil fikrlash va muammolarni hal qilish ko‘nikmalarini rivojlantirishi ta’kidlangan. Shu bilan birga, raqamli signallarni qayta ishlash texnologiyalarining interaktiv ta’lim saytlarida grafik, tovush va animatsiyalarni samarali boshqarishdagi o‘rni ko‘rsatib berilgan. O‘zbekistonda ham, jahon miqyosida ham, zamonaviy ta’lim tizimida gamifikatsiya va raqamli texnologiyalar uyg‘unlashuvi istiqbolli yo‘nalishlardan biri sifatida qaralmoqda. Maqolada mavjud ilmiy yondashuvlar, amaliy misollar va tajribalar asosida bolalar uchun samarali interaktiv informatika ta’lim platformasi yaratish bo‘yicha ilmiy-amaliy takliflar berilgan.